Ginpabugal sang tiglawas sang Iloilo City sa Miss World 2021 ang “The Original LaPaz Batchoy” bilang iya nga National Costume.
Sa post ni Ann Palmares, iya ginpahayag nga ang sabor sang LaPaz Batchoy ang nagatumod sa mga Ilonggos bilang mainabyanon nga sahi sang tawo, maabi-abihon kag malulo.
Ang noodles naman ang nagapakita sang closeness kag kabakod sang Ilonggo families.
Ang “The Original LaPaz Batchoy” costume ni Ann ang gindesinyo ni Paul Jerome “Tata” Blas Pinuela.
Natalana sa Hulyo 25 ang coronation night sa diin pito ka mga titulo ang mahimo makuha sang mga kandidata.
Ini amo ang Miss World Philippines, Miss Supranational Philippines, Miss Eco Philippines, Reina Hispanoamericana Filipinas, Miss Environment Philippines, Miss Eco Teen Philippines, kag Miss Tourism Philippines.
