Ginatinguhaan sang mga rescuers nga mapangita pa ang iban nga survivors sa nagkalain-lain nga bahin sang western India matapos ang pagbubo sang mamunog nga ulan nga nagtuga sang lapnagon nga pagbaha.
Ginapahayag nga madamo sang mga missing sa estado sang Goa kag Maharashtra nga amo ang tuman nga naapektuhan sang baha kag landslides.
Nakarekord na sang 136 ka tawo nga patay sa Maharashtra samtang ginatos naman ka mga balay ang nagkalaguba sa Goa.
Pahayag sang mga eksperto, madamo ang factors nga nagcontribute sa pagbaha apang ang climate change nga tuga sang global warming amo ang nagpabubo sang madamol nga ulan sa India.
