Padayon nga nagapang-agda ang Philippine Red Cross sa publiko sa pagdonar sang dugo nga tuman ka kinahanglanon sa tunga sang nagapadayon nga pandemya.
Sa interview sang Bombo Radyo kay Catherine Lego, blood manager sang Philippine Red Cross – Iloilo Chapter, iya ginpahayag nga may yara sila sang mobile blood donation activity sa diin sa tion nga makabaton sila sang imbitasyon sa isa ka local government unit (LGU), sila na lamang ang nagakadto sa mga komunidad agud magkolekta sang dugo.
Suno kay Lego, para sa mga indibidwal nga bag-o lang nabakunahan batok sa COVID-19, hulaton anay matapos ang 28 ka-adlaw bag-o magdonar sang dugo.
Nagaapelar man siya sa mga LGUs nga buligan sila sa kawsa nga matumod ang mga COVID-19 free nga barangay agud nga masudlan man sang blood donation.
Nahibaluan suno sa natungdan nga tuman ka-importante ang dugo sa tanan nga tinion ilabi na sa pagtughong sa kabuhi sang nagakinahanglan.
