Nagkalaguba ang porsyon sang masobra 30 ka mga balay kasunod sang mabaskog nga hampak sang balod tuga sang habagat sa Barangay San Juan, Molo, Iloilo City.
Sa interview sang Bombo Radyo kay Punong Barangay Pascual Sipil Espinosa, iya ginpahayag nga tubtob subong, yara pa sa gihapon sa evacuation center ang pila niya ka pumuluyo.
Suno kay Espinosa, ginapasiguro man nila nga mahatagan sang pagkaon kag matatap ang mga pumuluyo nga temporaryo nga ginpahamtang sa evacuation center.
Pahayag sang opisyal, hulaton anay nila nga mag-untat na ang lakat sang malain nga panahon agud hilway ang mga pumuluyo sa tion nga magbalik sa ila mga puluy-an nga yara lamang nahamtang sa kilid sang baybayon.
