Kabug-usan nga 665,561 tanan ka pamilya nga apektado sang enhanced community quarantine (ECQ) sa Iloilo Province kag Iloilo City ang hatagan sang cash assitance nagikan sa Assistance to Individuals in Crisis Situation (AICS) nga programa sang Department of Social and Welfare Development (DSWD).
Sa interview sang Bombo Radyo kay May Castillo, spokesperson sa DSWD Region VI, iya ginpahayag nga P1,000 ang ipanagtag sa kada indibidwal kag P4,000 naman sa kada pamilya.
Suno kay Castillo, P2.6 Billion ang budget nga ginpain para sa syudad kag probinsya sang Iloilo kag yari ang mga target beneficiaries nga hatagan sang ayuda:
- mga anay benepisyaryo sang Special Amelioration Program sa idalom sang Bayanihan 1 kag 2;
- individuals living alone;
- senior citizens kag Persons With Disability (PWDs);
- mga empleyado nga nadulaan sang trabaho bangud sa ECQ;
- low income individuals kag mga nagatrabaho sa informal economy nga naapektuhan man sang ECQ;
- vulnerable group kaangay sang solo parents; kag
- iban pa nga pumuluyo nga gintumod sang local government unit (LGU)
Dugang pa ni Castillo, sa tion nga ma-transfer na ang cash assistance sa LGU, ipanagtag gilayon sa sulod sang 15 ka-adlaw ang ayuda.
