Gin-aprubahan ni Presidente Rodrigo Duterte ang rekomendasyon sang Inter-Agency Task Force on Emerging Infectious Diseases nga i-extend ang enhanced community quarantine sa Iloilo City kag Iloilo Province tubtob Agusto 7, 2021.
Ginlawag mismo ni Presidential Spokesperson Atty. Harry Roque ang quarantine classification sa diin ang Cagayan de Oro City kag Gingoog City ang lakip man sa ECQ status nga gin-extend.
Matandaan nga matakop na kuntani ang ECQ status sang syudad kag probinsya sang Iloilo sa Hulyo 31.
Apang ang ini nga desisyon sang gobyerno ang kasunod sa nagataas nga kaso sang mas makalalaton nga Delta COVID-19 variant.
Yari ang mga lugar nga ginpaidalom sa modified-ECQ humalin Agusto 1 tubtob Agusto 15;
*Ilocos Norte
*Bataan
*Lapu-Lapu City
*Mandaue City
Magluwas sa Metro Manila, ang mga ginpaidalom sa GCQ with heightened restrictions amo ang mga masunod;
*Ilocos Sur
*Cagayan
*Bulacan
*Laguna
*Cavite kag Rizal
*Naga City
*Antique, Aklan, Bacolod City kag Capiz
*Negros Oriental
*Zamboanga del Sur
*Misamis Oriental
*Davao City, Davao del Norte, Davao de Oro, Davao Occidental
kag Butuan City
Yari pa ang mga lugar nga ginpadailom sa GCQ sa bilog nga bulan sang Agusto;
*Baguio City kag Apayao
*City of Santiago, Isabela, Nueva Vizcaya kag Quirino
*Quezon kag Batangas
*Puerto Princesa
*Guimaras kag Negros Occidental
*Zamboanga Sibugay, City of Zamboanga kag Zamboanga del Norte
*Davao Oriental kag Davao del Sur
*General Santos City, Sultan Kudarat, Sarangani, North Cotabato kag South Cotabato
*Agusan del Norte, Surigao del Norte, Agusan del Sur, Dinagat Islands kag Surigao del Sur kag Cotabato City
Ang mga lugar nga wala nalawagan ang ipaidalom sa MGCQ humalin Agusto 1 tubtob Agusto 31.
