47 ka mga barangay sa Iloilo City, ginbaha kahapon sang kaagahon

Naglab-ot sa 47 ka mga barangay sa syudad sang Iloilo ang naapektuhan sang mamunog nga ulan kahapon sang kaagahon.

Sa interview sang Bombo Radyo kay Darwin Papa, operation officer sang City Disaster Risk Reduction and Management Office (CDRRMO), iya ginpahayag nga ang distrito sang Mandurriao ang may pinakamadamo nga barangay nga ginbaha sa diin may yara ini sang 11.

Suno kay Papa, wala sang gwaan ang tubig baha bangud indi maayo ang drainage system nga nahamtang sa pila ka mga barangay.

Apang kun flood prone barangay ang istoryahan, pahayag sang natungdan, kadam-an sa barangay sa syudad ang naga-eksperyensya sang pagbaha.