Nagpositibo sa COVID-19 ang 19 ka mga Filipino crew sang Sanyu Bulk Carrier nga nagdungka sa Queensland, Australia.
Suno kay Bombo International Correspondent Denmark Suede, 21 tanan ang crew nga sakay sang amo nga barko nga nagikan sa Pilipinas.
Sang ginpadala ang pila ka nurse sa bulk carrier agud ipaidalom sa reverse transcription polymerase chain reaction (RT-PCR) test ang tanan nga crew sang barko, nagwa nga duha lamang ang nagnegatibo sa COVID-19.
Sa 19 ka infected sa virus, gindala ang anom sa ospital sa Brisbane samtang yara naman sa COVID-19 facility ang iban pa.
Sa subong, padayon nga ginamonitor ang kondisyon sang COVID-19 patients nga lunsay mga Filipino.
