Wala sang ginhimo nga dako nga adjustment ang Iloilo Provincial Government angot sa pag-extend sang enhanced community quarantine (ECQ) sa probinsya tubtob sa Agusto 7, 2021.
Sa interview sang Bombo Radyo kay Iloilo Governor Arthur Defensor Jr., iya ginpahayag nga padayon nga ipatuman sang probinsya ang mga pagsulundan sa idalom sang ECQ.
Suno kay Defensor, padayon man ang probinsya sa pagproseso sang ayuda kag cash assitance nga gina-provide sang national government.
Gin-ako man sang gobernador nga wala naga-untat ang Iloilo Provincial Government sa pagpangita sang dugang nga bulig ukon assistance para sa mga pumuluyo ilabi na sa mga displaced workers.
”We wil continue to look for assistance like we have given to our displaced workers in the tourism industry and kun ano pa ang pwede naton nga makuha.”
