Dumilian nga makasulod sa Iloilo City Hall ang mga indi fully vaccinated individuals sa sulod sang isa ka semana, umpisa sa bwas, Agosto 2.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga katuyuan sini nga mapunggan ang paglapta sang Delta COVID-19 variant nga subong nakasulod na sa syudad sang Iloilo.
Suno kay Treรฑas, enclosed structure ang Iloilo City Hall rason nga nagakadapat maproteheran batok sa mas makalalaton nga virus ang tanan nga empleyado kag staff lakip na ang mga nagasulod sa talatapan.
Liwat man nga ginpahanumdom sang alkalde sa publiko nga pakamaayuhon nga indi magwa sa mga balay kag istrikto nga likawan ang mass gathering.
