Napaslawan ang Pinoy boxer nga si Eumir Marcial nga pierdehon ang kasumpong nga si Oleksandr Khyzhniak sang Ukraine sa men’s middleweight semifinals sa Tokyo 2020 Olympics.
Nag-settle si Marcial sa bronze medal matapos nga nagpabor ang mga judge sa iya Ukrainian nga kasumpong paagi sa split decision.
Si Khyzhniak ang maga-proceed sa gold medal match.
Pareho nga may bantog kag concussive knockout powers sanday Marcial kag Khyzhniak kag lunsay man kilala bilang most skilled amateur middleweight boxers sa kalibutan.
Kilala ang Ukrainian boxer nga wala sang pierde sa sulod na sang nagligad nga lima ka tuig.
Antes ang sambuwa subong nga adlaw, may history na sa hampang si Marcial kag si Khyzhniak bangud napierde anay si Marcial sa ila una nga away sang Strandja International sa Bulgaria sang 2019.
