Ginahikutar na sang Philippine Health Insurance Corporation (PhilHealth) ang pagproseso sang P25.6 billion nga unpaid hospital claims sa pila ka mga ospital sa pungsod.
Suno kay Dante Gierran, Presidente kag CEO sang health insurer, nagpakig-angot na siya sa mga hospital representatives sa regional level.
Gin-athag sang korporasyon nga ang P6.3 billion nga ginbayad sa 206 ka mga ospital ang nagatumod sa partial payments sang PhilHealth sa idalom sang Debit-Credit Payment Method (DCPM) para sa mga ospital nga may COVID-19 cases sa mga lugar nga gin-identify sang IATF nga kritikal.
Nagpasalig man ang PhilHealth nga may yara na sila sang stratehiya nga ginahimo agud nga ma fast track ang nabilin nga claims.
