Napanagtagan na sang sweldo ang 90 ka mga benepisyaryo sang Department of Labor and Employment (DOLE) sa idalom sang Tulong Panghanapbuhay sa Ating Disadvantaged / Displaced Workers (TUPAD) program sang nasambit nga ahensya sa New Lucena, Iloilo.
Nahibaluan nga ang nasambit nga mga benepisyaryo ang nagpirma sang kontrata sa DOLE agud nga makatrabaho sang 10 ka-adlaw nga may P395 nga sweldo daily.
Sa interview sang Bombo Radyo kay Dinah Malcontento, head sang Public Employment Service Office (PESO) sa New Lucena, Iloilo, iya ginpahayag nga June 15-25 nagtrabaho ang 90 ka mga indibidwal.
Suno sa iya, bangud gilayon nga naproseso ang pila ka mga dokumento nga kinahanglanon, wala nalab-utan isa ka semana kag nakuha na sang mga benepisyaryo ang ila nga sweldo.
Ang mga benepisyaro ang nagikan sa 21 ka barangay sa New Lucena, Iloilo.
