Nakabaton na sang cash aid sa idalom sang Assistance to Individuals in Crisis Situation (AICS) sang Department of Social Welfare and Development (DSWD) ang pila ka mga barangay sa syudad sang Iloilo.
Sa interview sang Bombo Radyo kay Punong Barangay Rizalino Salazar sang Maria Clara, Iloilo City Proper, iya ginpahayag nga sa 179 ka mga residente, apat lang ang wala pa makakuha sang ayuda.
Wala naman sang kwestyon sa bahin sang DSWD bangud sa lebel pa lang sang barangay, na hikutar na ang tanan nga kinahanglanon nga dokumento.
Samtang sa bahin sang Roxas Village, Iloilo City Proper, ginpahayag ni Punong Barangay Melchor Conte nga may yara pa sang pila ka mga benepisyaryo nga wala mahatagan sang cash aid.
Ini bangud suno sa iya nga may yara pa sila sang kulang nga mga dokumento nga wala mapasa.
