Nagahulat na lang sang go signal si Punong Barangay Joseph Poral sang Tacas, Jaro, Iloilo City halin sa Department of Social Welfare and Development (DSWD) sa distribution sang cash assistance.
Sa interview sang Bombo Radyo kay Poral, iya ginpahayag nga napasa na niya ang listahan sang mga pangalan sa barangay nga makabaton sang ayuda.
Ginahanda naman ang barangay certification kag identification cards sang mga benepisyaryo.
Ang iban nga wala nalista suno sa punong barangay, ang ginapanawagan nga magkadto lang sa barangay hall agud nga malakip man sa mahatagan sang ayuda.
