Ginpanginwala ni Davao City Mayor Sara Duterte nga ginkasugtan niya kag sang Davao International Airport nga maggamit sang eroplano sa pagtransport sang iya mga campaign materials.
Sa video nga naglapta online, tatlo ka mga lalaki ang nakit-an sa nasambit nga paluparan nga nagasiling nga madinalag-on ang ila pagpakigsapol sa alkalde kag naghimo sang kasugtanan sa paggamit sang eroplano.
Paathag ni Mayor Sara, wala siya sang may ginhambalan nga magapadalagan siya sa pagka-presidente kag wala man siya nakapatigayon sang meeting tuhoy sa paggamit sang eroplano para sa ginapahayag campaign materials sang presidential daughter.
Ginpaandaman sang alkalde ang publiko mangin ang iya nga mga supporters nga indi pagdal-on ang iya pangalan ilabi na kun makaguba ini sang iya nga reputasyon.
