Antes pa man ang pagtakop sang Tokyo 2020 Olympics subong nga adlaw, ginsipa kag ginpapauli na sang organisasyon ang German modern pentathlon coach matapos ginsumbag ang kabayo sa women’s event.
Suno sa International Modern Pentathlon Union, ang ginhimo ni coach Kim Raisner ang paglapas sa pagsulundan sang hampang.
Nag-ugat ang insidente bangud nagapanguna na kuntani sa kompetisyon ang tiglawas sang Germany nga si Annika Schleu apang nabudlayan siya nga ma-kontrol ang kabayo bangud indi ini maglumpat sa “showjumping segment” rason nga nalutos ini batuk sa Briton nga si Kate French.
Si Raisner ang ika-duha nga German official nga ginpapauli matapos ang sporting director sang cycling team sang Germany ang nagpahayag sang racist comment tuhoy sa mga riders nagikan sa Africa kadungan sang men’s time trial.
