Bisan paborito mo pa ang isa ka putahe, siguro masum-udan ka man kun amo lang sini ang imo ginakaon sa sulod sang isa ka semana, indi bala?
Mas masum-od pa gid guro kun sa fast-food restaurant mo ini ginakaon adlaw-adlaw.
Dali lang kay mabilib ka sa sining isa ka lalaki didto sa California bangud 153 ka adlaw siya nga nagkaon sang salad sa isa lang ka restaurant!!
Suno kay Ben Boyles, kada Domingo lang siya nagalaktaw sa pagkaon sa restaurant bangud sirado ini.
Kun kaisa, sa sulod sang isa ka adlaw, makaduha ka beses pa siya nga nagakaon sang salad.
Pero indi lang indi pagusto-gusto.
Naghimo sang deal si Boyles sa tag-iya sang restaurant nga kun malapawan niya ang rekord sang iban nga diners, buligan siya sini nga magdonar sang kwarta sa charity.
Pagkatapos sang 153 ka adlaw nga pagkaon sang salad, nakatipon si Boyles sang $15,300 ukon kapin 775,000 pesos kag iya ini gindonate sa Victory Family Services.
Diri nagatinir ang mga kabataan nga naka-custody kag makabulig ang kwarta ni Boyles agud nga ma-treat ang mga bata sa amusement park ukon mabaklan sang ila paborito nga pagkaon.
