ILOILO CITY- Wala pa sa katunga sang kabilugan nga kabarangayan sa Iloilo City ang nahatagan sang cash aid halin sa Assistance for Individuals in Crisis Situation (AICS) sa idalom sang Department of Social Welfare and Development(DSWD).
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga as of August 9,2021, yara pa lang sa 77 gikan sa 180 ka kabarangayan ang nahatagan sang nasambit nga ayuda.
Suno kay Gelogo, indi malikawan ang delay bangod nga may yara sang nagakatabo nga mga discrepancies.
Nahibaluan nga Agusto 13 ang ginhatag nga deadline sang DSWD nga matapos ang tagtaganay sang cash aid sa syudad.
Subong nga adlaw,pila ka mga barangay nga nahatagan sang cash aid ang ginalakipan sang barangay Felimona, Dulonan, Sooc, Sta. Cruz, kag Calaparan sa Arevalo; Malipayon kag Ortiz sa City Proper; Boulevard kag Compania Central sa Molo; Bakhaw, Sta. Rosa, kag PHHC Blk 17 sa Mandurriao.
Samtang, gin-athag sang natungdan nga mahimo nga makapalista kag malakip sa mga makabaton sang cash aid ang mga boarders sa mga barangay sa syudad apang nagakadapat nga indi na sila magpalista pa sa probinsya.
