Target sang Association of Barangay Captains (ABC) sa Jaro, Iloilo City nga mabakunahan ang 2,000 ka mga indibidwal subong nga adlaw.
Sa interview sang Bombo Radyo kay Punong Barangay Edwin Divinagracia, ABC President, iya ginpahayag nga ang mga indibidwal nga mapabakuna subong amo ang mga kabahin sang A4 Priority Group.
Ang bakuna naman nga gamiton suno kay Divinagracia amo ang Sinovac vaccine.
Pahayag niya, kun madamo ang residente sang isa ka barangay, dako man ang alokasyon sang bakuna nga ihatag.
