Nadugangan pa subong nga adlaw, Agusto 10, ang madre nga nagtaliwan bangod sa COVID-19 sa Convent of Carmelite Missionaries sa Lopez Jaena, La Paz, Iloilo City.
Ini na ang ikaapat nga madre nga napatay bangod sa COVID-19 sa amo nga kombento.
Sa interview sang Bombo Radyo kay Iloilo City Mayor Jerry Treñas, iya ginpahayag nga 84-anyos ang madre nga ginbawian sang kabuhi.
Nagpalab-ot naman sang pagpakig-unong ang alkalde sa diin ginpat-od niya nga may ginpadala na nga bulig ang syudad sa kombento.
Nahibaluan nga 24 ka madre kag 9 ka staff sang kombento ang nalatnan sang virus.
Padayon naman nga gina-quarantine kag gina-monitor ang kondisyon sang pila ka madre kag staff nga nalatnan man sang virus.
