Nakumpiska sang Bureau of Customs (BOC) ang kapin P4.5 Million nga smuggled ukay-ukay sa isa ka warehouse sa Barangay Tacas, Jaro, Iloilo City.
Sa interview sang Bombo Radyo kay Ciriaco Ugay, District Collector sang Bureau of Customs- Port of Iloilo, iya ginpahayag nga padayon pa ang ila imbestigasyon kun paano nakasulod sa syudad sang Iloilo ang mga smuggled used clothing ukon ukay-ukay.
Suno kay Ugay, magapangatubang ang tag-iya sang warehouse sang kaso nga paglapas sa Republic Act Number 4653 ukon (An Act Prohibiting the Importation of Used Clothing).
Nahibaluan nga santo sa nasambit nga layi, ginadumilian kag ginakabig nga iligal ang pagpasulod sang mga second-hand nga panapton nagikan sa iban nga pungsod agud gamiton para sa negosyo.
