52 pa lang ka mga barangay sa Iloilo City ang nakasugod sa tagtaganuy sang Assistance for Individuals in Crisis Situation (AICS) sang Department of Social Welfare and Development(DSWD).
Sa nasambit nga numero, 16 ka barangay ang nagikan sa distrito sang Iloilo City Proper, 13 sa Molo, 9 sa Arevalo, 6 sa Mandurriao, 4 sa Jaro, duha sa La Paz kag duha man sa Lapuz, Iloilo City.
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga nakapasa na ang 180 ka barangay sang syudad sang lista sang beneficiaries apang nagakadelay ang releasing sang pondo bangud sa pila ka mga correction kag sala nga figures.
Suno kay Gelogo, nagapangayo sila sang paghangop sa pumuluyo sa diin ginatinguhaan man nila nga mahitso ang pila ka mga nagapa-delay sang pondo.
