Sirado ang opisina sang gobernador sa Iloilo Provincial Capitol matapos makabatyag sang flu-like symptoms ang duha ka mga empleyado.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga ginpaidalom na sa reverse transcription polymerase chain reaction (RT-PCR) test ang duha ka mga empleyado.
Suno kay Mamon, gindisinfect naman ang opisina sang gobernador.
Indi pa mapat-od kun san-o mabukas liwat ang opisina sa diin hulaton anay ang resulta sag duha ka mga empleyado.
