Nagpasalig ang Philippine Army nga maangkon ang hustisya sa kamatayon sang soldado nga ginluthang-patay sang ginapatihan rebelde nga grupo sa Barangay Lahug, Tapaz, Capiz.
Sa interview sang Bombo Radyo kay Major Cenon Pancito III, spokesperson sang 3rd Infantry Division sang Philippine Army, iya ginpahayag nga madugay na nga assigned sa nasambit nga barangay ang soldado nga napatay.
Padulong kuntani ang soldado sakay sa motorsiklo kaupod ang mga barangay officials sa banwa sang Tapaz sang sila ang ginparahan sang ginapatihan katapo sang New People’s Army (NPA).
Suno kay Pancito, ginhigtan kag ginluthang sa likod ang soldado.
Pahayag sag natungdan, padalman pa nila ang imbestigasyon bangud madamo pa nga mga pamangkot ang wala sa gihapon nasabat.
