Ginbuyagyag sang host-actress nga si Kris Aquino nga may yara siya subong sang special someone sa iya nga kabuhi apang wala na niya ini ginpangalanan pa.
Sa instagram, ginpost ni Kris ang mga tinaga nga “Thank you for coming into my life.”
Suno sa iya, madugay kag mabudlay man para sa iya nga i-upload ang birthday greeting bangud pat-od nga magtuga lang ini sang mga espekulasyon.
Apang pahayag niya, deserve sang ginatumod niya nga lalaki ang iya nga greeting.
Aprubado naman sang iya anak nga si Bimby ang estado sang iya nga tagipusuon subong.
