Wala sang komunikasyon sa tunga ni Presidente Rodrigo Duterte kag Manila Mayor Isko Moreno humalin sang ginlaslasan sang commander-in-chief ang wala ginpangalanan nga alkalde kadungan sang iya public address.
“No” lang ang nangin sabat sang Manila Public Information Office sa pamangkot kun bala may yara sang pag-istoryahanay sa tunga nanday Duterte kag Moreno.
Matandaan nga sa weekly address sang Presidente, ginmanduan niya ang Department of the Interior and Local Government (DILG) kag Department of Social Welfare and Development (DSWD) nga sila ang magapanagtag sang cash aid sa baylo nga ang local government unit bangud indi ini organisado kag wala man sang ihibalo ang alkalde.
Wala man ginpangalanan ni Duterte kun ano nga LGU ang iya ginatumod.
Ginpakahuy-an man sang presidente ang isa ka opisyal bangud sa mga sexy photos sini sadto.
Nahibaluan nga isa ka aktor kag modelo si Moreno antes man ini nagsulod sa pulitika.
