Gin-ako sang actress nga si Maris Racal nga nagakabatyag siya sang kulba kun ginakwestyon ang ila edad sang singer nga si Rico Blanco.
25 years ang age gap nila sang nobyo.
Suno kay Maris, masami nila ini gina-istoryahan ni Rico kag masami man siya nagakabatyag sang pressure bangud nakulbaan ini sa kun ano man ang panumdumon sang tawo.
Ginbuyagyag man sang actress nga “babs” ang ila nga endearment.
Marso 2020 sang nagguwa ang balita nga may yara sang “something” sa tunga nanday Maris kag Rico.
Apang ang wala nahibaluan sang tanan dugang ni Maris, antes pa man sang pandemya, magkarelasyon na sila nga duha sang singer.
