Gin-athag sang Commission on Elections (COMELEC) nga magahiwat pa sila sang post-qualification process sa F2 Logistics Philippines— naga-isahanon nga firm nga kwalipikado sa pag-deliver sang logistics para sa May 9, 2022 elections.
Sa interview sang Bombo Radyo kay Comelec Commissioner Atty. Rowena Guanzon, iya ginpahayag nga wala pa natapos ang bidding bangud yara pa lang sila sa post-qualification bag-o mahatag ang kontrata sa nasambit nga domestic forwarder agud i-byahe ang tanan nga automated election system-related equipment, peripherals, forms, kag supplies sa 2022 elections.
Suno kay Guanzon, indi nila mahimo nga i-disqualify ang F2 Logistics kasunod sang panawagan sang mga poll watchdog matapos nadiskubre nga ang chairman amo si Dennis Uy nga amo ang campaign donor ni Presidente Rodrigo Duterte kun sa diin, P30 million ang ginhatahag sini para sa iya presidential bid sang 2016.
Nahibaluan nga ini na ang ika-tatlo nga kahigayunan nga nakuha sang Uy-affiliated firm ang logistics contract sa COMELEC sa diin ang una amo sang 2016, ang sunod sang 2019 kag subong nga 2022 elections.
