Nagpatigayon sang pagpakigdayalogo si Afghanistan President Ashraf Ghani sa mga local leaders kag international partners samtang nagapalapit na ang mga Taliban fighters sa Kabul.
Suno kay Bombo International Correspondent Joseph Glenn Gumpal, Presidente sang Samahan ng mga Pilipino sa Afghanistan, 17 na ka mga provincial capitals sang Afghanistan ang ginsakop sang Taliban.
Mangin ang Estados Unidos kag European countries ang naga-umpisa na sa pag-evacuate sang mga ila mga staff sa embahada bangud ginapalibotan na sang Taliban ang Kabul.
Bangud sa nagguwa nga balita nga yara na ang 3,000 ka mga US Troops nga ginpadala sa Afghanistan, nangin malinong temporaryo ang lugar.
Apang ang ini nga mga military forces sang Estados Unidos ang magabulig lamang sa pag-evacuate sang mga staff sa US Embassy.
Nagapabilin man nga kwestyonable kun bala dayunon ni US President Joe Biden ang Agusto 31 nga deadline sa pag-withdraw sang combat forces sa Afghanistan.
Una na nga gin-anunsyar ni Biden sang Abril ang pag-withdraw sang 2,500-3,000 troops sa Afghanistan sa diin ginatapos na niya ang involvement sang Estados Unidos sa pagpakig-away.
