I-duso ni Albay Representative Joey Salceda ang 10% nga pagpataas sang budget sa agrikultura sa 2022 General Appropriations Act.
Nakig-angot na si Salceda kay Department of Agriculture (DA) Secretary William Dar sa posible nga pagpataas sang pondo agud nga mabuligan ang sektor sang agrikultura nga maka-recover.
Suno kay Salceda, kun mahimo lang kuntani nga mapahalogan ang pila ka mga restrictions nga ginapatuman, dako ang posibilidad nga mapasangkad ang sektor.
Sa idalom sang 2021 national budget, ang agriculture sector ang ginpainan sang P71 billion.
