Nagpadala sang letter of Appeal ang Iloilo City Government sa Inter-Agency Task Force for the Management of Emerging Infectious Diseases (IATF) agud mapahanugutan ang pagbukas sang tanan nga negosyo nga madugay na ginsirado.
Ang apelar ang gin-address kay Interior Undersecretary Epimaco Densing III, Vaccine czar Secretary Carlito Galvez Jr. kag National Task Force Chairman kag Defense Sec. Delfin Lorenzana.
Sa interview sang Bombo Radyo kay Iloilo City Mayor Jerry Treñas, iya ginpahayag nga madamo sa gihapon sang negosyo sa syudad ang wala ginapahanugutan nga mag-operate bangud sa istrikto nga mga pagsulundan.
Bangud sini, naghingyo ang alkalde sa IATF nga pahanugutan ang operasyon sang mga negosyo nga madugay na nga nagsira apang subject sa pila ka kondisyon; halimbawa, nagakadapat nga fully-vaccinated ang tanan nga empleyado lakip na ang mga kustomer nga i-cater.
