ILOILO CITY- Naglab-ot sa P3.9M ang balor sang halit sa propedad sa sunog nga nagluntad sa Brgy. Poblacion, Barotac Viejo, Iloilo.
Duha ka mga two-storey residential establishments nga ginapanag-iyahan nanday Leo Tabares kag Emy Villagracia ang ginlamon sang kalayo sa amo nga sunog.
Sa interview sang Bombo Radyo SFO3 Rodel Balindua, Acting Municipal Fire Marshal, iya ginpahayag nga magluwas sa balay, nasunog man ang grocery store nga nahamtang sa ground floor sang isa sa nasunog nga establishment
kag may nadahalig man nga salakyan.
Suno kay Balindua, padayon pa ang imbestigasyon sa kabangdanan sang sunog apang ginapatihan nga may poste malapit sa nasambit nga establishment nga madugay na nga ginareklamo bangod masami ini nagaigrab apang wala man ginasapak sang natungdan nga electric cooperative.
