ILOILO CITY- Wala na sang kabuhi sang naabtan ang isa ka soltero nga nagabitay sa puno sang kamunsil sa Brgy. Paloc Bigque, Dumangas, Iloilo kag ginapatihan nga nagpanginmatay.
Ang biktima amo si Iver Dechavez, 18 anyos, residente sang amo nga lugar.
Sa interview sang Bombo Radyo kay PSSgt. Terence John Soria, imbestigador sang Dumangas Municipal Police Station, iya ginpahayag nga antes nagbitay ang biktima, nakainom-inom pa ini upod sa iya mga abyan.
Suno kay Soria, base sa panaysayon sang mga himata sang biktima, hipuson nga sahi sang tawo si Dechavez kag wala man ini sang nasugid nga problema nga mahimo nga kabangdanan sang iya pagpanginmatay.
Pahayag sang imbestigador, halayan nga lubid ang gin- gamit sang soltero sa iya paghikog.
Posible naman nga ipaidalom sa autopsy ang biktima.
