Nadugangan pa ang empleyado sa Mayor’s Office sang Iloilo City Hall nga nagpositibo sa COVID-19.
Sa subong, duha na ka empleyado ang natapikan sang virus halin sa nasambit nga opisina.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga bangud sini, ginpaidalom sa reverse transcription polymerase chain reaction (RT-PCR) test ang tanan nga katapo sang iya opisina.
Ginkumpirma man sang alkalde nga mangin siya, ang nagpaidalom man sa swab test.
Suno kay Treรฑas, ginahulat pa subong ang mangin resulta sang swab test sang iban nga empleyado, kag sa tion nga indi na madugangan ang malatnan sa COVID-19, mahimo nga pabalikon sa trabaho ang mga nag-negatibo sa virus.
