Wala pa nakabaton sang hazard pay ukon COVID-19 allowance ang mga katapo sang Iloilo City Police Office (ICPO) nga ginakabig frontliners.
Sa interview sang Bombo Radyo kay ICPO Director Police Colonel Uldarico Garbanzos, iya ginpahayag nga katungdanan sang mga pulis nga magpadayon sa ila trabaho apisar wala pa nakaabot ang ila hazard pay.
Suno kay Garbanzos, ang hazard pay ang dako nga bulig para sa mga pulis.
Apang sa tion nga madelay ini, kuntani indi ini mangin tunaan sang manubo nga performance sa trabaho.
Gin-athag man sang opisyal nga kompleto man ang tanan nga allowance sang mga pulis lakip na ang ila nga sweldo.
