Tuman ka importante ang ‘adolescence stage’ bangud ini ang magadetermina sang pangabuhi sang isa ka tawo padulong sa ‘adulthood’.
Santu sa World Health Organization (WHO), ginakabig nga ‘adolescents’ amo ang mga naga-edad 10 ka tuig tubtob 19 anyos.
Sa interview sang Bombo Radyo kay Dr. Linda Mae Chin-Balajadia, Pediatrician, Diplomate of Philippine Pediatric Society – Adolescent Medicine Specialist, iya ginpahayag kun maayo ang nangin eksperyensya sang kabataan halin sa ‘childhood’ padulong sa ‘adolescent’, mangin maayo man ang kahimtangan sini sa ‘adulthood’.
Kun kaisa mabatian ang mga ginikanan nga ginahambalan ang ila mga anak nga ‘wala sa gihapon sang buot’.
Paathag sang eksperto, ang development sang utok sang tawo ang naga-umpisa sa likod kag ulihe nga nagadevelop ang atubang nga bahin nga tuman ka importante bangud diri nagahalin ang decision making kag judgment.
Gani subong nga panahon sang pandemya, dako ang epekto sini sa mental health sang kabataan bangud indi na sila mahimo makaguwa ukon makalagaw kag indi man makakadto sa eskwelahan.
Bilang isa ka Adolescent Medicine Specialist, indi lang mga ‘adolescents’ ang gina-istorya nila kundi mangin ang bilog nga pamilya sa diin kun kaisa nagakadalasa pa ang marriage counseling bangud ang problema sang ginikanan, ang ginaproblema man sang mga kabataan.
