ILOILO CITY Nakaabot na sa Iloilo City ang tatlo sa 23 ka mga Ilonggo mechanical engineering graduates nga na-stranded sa syudad sang Cebu.
Matandaan nga nagdangop sa Bombo Radyo ini nga mga Ilonggo mechanical engineering graduates bangud kapin isa na sila ka bulan nga nagatinir sa Cebu.
Makuha lang kuntani ang mga ini sang Licensure Examinations for Mechanical Engineers nga initially scheduled sang Agusto 15 kag 16, apang nakanselar ang exam, kag sang manugpauli ka kuntani, nagpositibo sa COVID-19 ang iban sa ila.
Ang tatlo amo ang una nga nakatapos sa ila quarantine sa Cebu rason nga una sila nga nakapauli sa syudad.
Ginsugat ang mga ini sa pier kag gindiretso sa Jubilee Hall sa diin sila i-quarantine sa sulod sang lima ka-adlaw bag-o ipaidalom sa reverse transcription polymerase chain reaction (RT-PCR) test.
Dako ang pagpasalamat sang natungdan sa Bombo Radyo bangud nahatagan sila sang igtalupangod sang gobyerno kag nabuligan nga mapapauli sa ila mga lugar.
