Nagpositibo sa COVID-19 ang 18 ka mga empleyado sang San Joaquin Municipal Hall.
Lunes, Agusto 23, sang una nagpositibo sa virus ang apat ka empleyado kag sang ginpaidalom sa swab test ang mga close contact, nadugangan ini sang 14.
Sa interview sang Bombo Radyo kay Atty. Leo Satana, municipal administrator sang San Joaquin, Iloilo, iya ginpahayag nga may ginahulat pa subong nga results bangud may 178 pa ka tawo nga ginpang-swab test.
Ang munisipyo ang gin-lockdown halin kahapon, Agusto 26, kag magalawig tubtub sa Agusto 31.
Naka-work from home arrangement ang kalabanan nga mga empleyado samtang may mga empleyado lang nga nabilin para sa frontlines.
Siyam man ka mga barangay ang ginpaidalom sa enhanced community quarantine (ECQ) epektibo kahapon, Agusto 26, tubtub sa Septyembre 9 bangud sang mataas nga kaso sang COVID-19.
Ini amo ang:
- Purok 1 (Poblacion)
- Purok 3 (Poblacion)
- Purok 4 (Poblacion)
- Sinogbuhan
- Lawigan
- Tiolas
- Balabago
- Cata-an
- Santa Rita
