Gin-aprubahan sang Department of Agriculture ang importasyon sang 60,000 metric tons sang isda agud i-augment sa domestic supplies kasunod sang closed-fishing season.
Suno kay Agriculture Secretary William Dar, ang importasyon ang ginrekomenda sang Bureau of Fisheries and Aquatic Resources (BFAR) kaupod ang Philippine Fisheries Development Authority kag may konsultasyon sa National Fisheries and Aquatic Resources Management Council kag industry stakeholders.
Nagapati si Dar nga makapahagan-hagan sa food inflation ang policy decision kag mabuligan ang mga kubos nga nabuhinan ang purchasing power kasunod sang economic slowdown tuga sang COVID-19 pandemic.
Maga-isyu naman ang Department of Agriculture sang certificate of necessity to import (CNI) para sa 60,000 MT nga magagmay nga mga isda kaangay sang tuloy kag mackerel nga ibaligya sa public wet markets, kag iban pa nga mga bahin sang pungsod nga may fish-deficiency.
