Dako ang pasalamat sang pila ka pumuluyo sang syudad sa inisyatibo sang gobyerno nga barangay-based vaccination nga ginpatigayon subong nga adlaw.
Sa interview sang Bombo Radyo kay Arnold Serra, residente sang Barangay Balabago, Jaro, Iloilo City, iya ginpahayag nga bentaha para sa ila nga indi na magpadulong sa kun diin nga vaccination site bangud sa barangay na mismo nagpadulong ang vaccinators.
Suno kay Serra, nangin mas mahapos para sa ila nga maka-avail sang bakuna bangud indi na sila magbyahe kag madasig lang ang proseso.
Kapin 20 minutos lang suno sa iya ang gintinir niya sa covered gym para mabakunahan siya batok sa COVID-19.
