ILOILO CITY- Natalana nga ipaidalom sa Reverse Transcription Polymerase Chain Reaction (RT-PCR) test ang ginikanan sang tatlo ka bulan nga lapsag nga taga Tap-oc, Molo, Iloilo City nga napatay sang damlag lang bangud sa COVID-19.
Sa interview sang Bombo Radyo kay Mr. Jeck Conlu, spokesperson sang COVID-19 team sang Iloilo City, iya ginpahayag nga magluwas sa ginikanan, wala na sang iban pa ng na-close contact ang lapsag.
Suno kay Conlu,una nga gindala sa ospital ang bata bangud nagapangihi ini sang dugo.
Pahayag ni Conlu, matapos ang isa ka semana nga pagtumar sang lapsag sang antibiotic, wala gid nag-improve ang kondisyon sini kag nabudlayan nga magginhawa tubtob nga ginbawian sang kabuhi.
Sang ginpaidalom sa swab test, didto nakumpirmar nga nagpositibo ini sa COVID-19.
