ILOILO CITY- Wala pa sa katunga sang tanan nga katapo sang Department of Education (Dep Ed) Region 6 ang nabakunahan batok sa COVID-19.
Sa interview sang Bombo Radyo kay Dr. Ramir Uytico, Regional Director sang Dep Ed Western Visayas, iya ginpahayag nga sa kabuligan nga 82,886 teaching kag non- teaching employees, yara pa lang sa 26,537 ukon 32.02 percent ang nabakunahan.
Buot silingon, may 56,349 pa ukon 67.98% ang wala nabakunahan.
Ini ginalakipan sang 49,832 nga nakaparehistro na para sa vaccination kag 6,517 ang indi pa rehistrado.
Suno kay Dr. Uytico,sa subong, padayon ang ila kampanya agud ma-engganyo ang tanan nga Dep Ed personnel nga magpabakuna na.
Samtang, gin-athag naman ni Dep Ed Sec. Leonor Briones nga voluntary kag indi mandatory ang vaccination sa tanan nga empleyado sang ahensya.
