Duha patay, 10 pilason matapos nag collapse ang highway kasunod sang paglaslas sang Hurricane Ida sa Mississippi sa Estados Unidos

Patay ang duha ka indibidwal kag 10 naman ang pilason matapos gin-wash out sang tubig-baha ang isa ka highway sa Lucedale, Mississippi.

Natabo ang insidente sa two-lane Highway 26 sa George County.

Santo sa mga otoridad, ang natabo nga washout ang kasunod sang mabaskog nga pag-ulan tuga sang Hurricane Ida.

Kapin pito naman ka salakyan ang nahulog sa buho nga gintuga sang washout nga may kalapadon nga 50 ka-tapak kag may kadalumon nga 20 ka-tapak.