Apektado ang kita sang mga vendors sa merkado sa syudad sang Iloilo bangud sa pagpatuman sang border control checkpoints.
Sa interview sang Bombo Radyo kay Punong Barangay Woody Dela Riarte sang Kauswagan, Iloilo City Proper, iya ginpahayag nga kadam-an sa mga nagapanindahan sa merkado ilabi na sa Iloilo Terminal Market ang lunsay mga taga probinsya.
Sa pagpatuman sang border control points, kinahanglan nga magpakita ang indibidwal sang iya travel pass ukon company ID ukon certificate of employment.
Suno kay Dela Riarte, may yara sang mga bumalakal nga wala sang bisan ano nga dokumento gani indi man sila makasulod sa syudad.
Dako gid ang nadula sa kita sang mga vendors sa Iloilo Terminal Market pahayag niya bangud nabuhinan na ang mga manugbakal.
