ILOILO CITY- Gin-lockdown ang Municipal Health Office sang Buenavista, Guimaras matapos nagpositibo sa COVID- 19 ang isa ka staff sang Rural Health Unit.
Sa interview sang Bombo Radyo kay Mayor Eugene Reyes, iya ginpahayag nga kahapon, Septyembre 1 sang nakabatyag sang sintomas sang COVID-19 ang staff kag sang ginpaidalom ini sa swab test, nakumpirma nga positibo ini sa virus.
Suno kay Reyes, gilayon man nga gin-isolate ang mga kaupdanan sa trabaho sang pasyente kag natalana nga ipaidalom sa test samtang nagapadayon pa ang contact tracing sa iban nga naka- close contact sini.
Ginpaidalom man sa dinsinfection ang bilog nga building sang Municipal Health Office.
Apang gin-athag sang alkalde nga indi man apektado ang ginapatigayon nga vaccine roll-out sa banwa.
VC OF MAYOR EUGENE REYES (MAYOR EUGENE REYES)
