Gin-ako sang pamunuan sang General Services Office (GSO) sang Iloilo City Government, nga wala lang naplastar sang maayo santo sa order sang Commission on Audit (COA) ang timeline sang delivery kag duration of contract sang COVID-19 Purchase Orders sang syudad nga may total amount nga P123.072 Million.
Nahibaluan nga sa P123.072 Million nga gingasto sang syudad, kapin P79.9 Million ang nagkadto sa Food items, kapin P5.3 Million ang nagkadto sa liquid chlorine, kag kapin P37.7 Million ang nagkadto sa medical supplies bilang kabahin sang COVID-19 response.
Sa interview sang Bombo Radyo kay Mr. Joren Sartorio, pinuno sang General Services Office sang Iloilo City Government, iya ginpahayag nga intended tanan sa COVID-19 response ang ginkadtuan sang pondo sa diin naplastar man nila ang rekord sang delivery apang napaslawan lang sila nga maid-idan ini santo sa direktiba sang COA.
Apang ginpasalig niya nga na-tsikyar na nila liwat ang mga gintumod nga kulang sang COA kag ginsanto ini sa obserbasyon sang ahensya.
