Ginsipa sa pwesto sang Special forces soldiers ang long-serving President sang Guinea nga si Alpha Conde kag gindeklara nga wala na sang gobyerno kag konstitusyon kag sirado na ang land kag air borders.
Suno kay Mamady Doumbouya, Head sang Elite Guinea army unit, kapigaduhon kag kurapsyon ang nagtulod sa mga soldado nga kakason sa pwesto si Conde.
Pahayag niya, sila mismo ang liwat nga magahimo sang konstitusyon.
Antes pa man ang deklarasyon, may yara sang serye sang linukpanay malapit sa presidential palace sa Conakry, Guinea.
Sa subong, indi pa mapat-od kun sa diin gindala ang Presidente matapos naglapta ang video nga ginpalibotan ini sang army special forces.
Ginpakamalaot naman ni United Nations Secretary General Antonio Guterres ang pwersahan nga pagkuha sang gahom sang gobyerno kag ginmanduan man ang mga responsable nga tawo nga buy-an na ang Presidente.
