Nag-anunsyo na ang Taliban sang bag-o nga interim government sa Afghanistan.
Pamunuan ni Mullah Mohammad Hassan Akhund ang bag-o nga gobyerno.
Mangin deputy naman ni Akhund ang Taliban co-founder nga si Mulla Abdul Ghani Baradar.
Kalakip sa mga ginhatagan sang pwesto amo si Sarajuddin Haqqani nga amo ang mangin acting interior minister sang pungsod.
Si Haqqani ang nagapamuno sa militant group nga ginatawag Haqqani network — grupo sa likod sang pagpamomba sa Afghanistan sang 2017 sa diin napatay ang masobra 150 ka mga indibidwal.
Nahibaluan nga ginakabig sang Estados Unidos ang Haqqani network bilang foreign terrorist organisation.
Lakip pa sa mga gin-assign sa pwesto amo sanday Mullay Yaqoob bilang acting defense minister, Amir Khan Muttaqi bilang acting foreign minister kag Mullah Salam Hanafi bilang second deputy.
Matandaan nga Agusto 15 sang ginsakop sang Taliban ang halos bug-os nga Afghanistan kag gintabog ang administrasyon sang gobyerno.
