Nagapati ang pamunuan sang Employers Confederation of the Philippines (ECOP) nga epektibo ang nangin tikang sang National Government nga pahalugan ang quarantine restrictions pinaagi sa pagpaidalom sa granular lockdown sa pila ka mga lugar nga may clustering of cases ukon may pagtimbuok sang COVID-19 sa National Capital Region (NCR).
Nahibaluan nga gin-anunsyo sang Malacañang sang Lunes, Septyembre 6, nga panubuan sa general community quarantine (GCQ) ang classification sa Manila, umpisa, Septyembre 8 tubtob 30.
Ipatuman man ang ”localized lockdown scheme”, kun sa diin i-lockdown lang ang mga bahin sang lugar ukon barangay nga may mataas nga numero sang COVID-19.
Suno kay ECOP President Sergio Ortiz Luis Jr., dako kag maayo ini nga tikang sang gobyerno agud mabalanse ang ikaayong-lawas sang mga tawo kag ang ekonomiya sang
pungsod.
Bentaha man ini suno sa natungdan agud indi maapektuhan ang trabaho sang mga mamumugon sa iban nga lugar nga manubo ang kaso sang COVID-19.
